香港首對大熊貓雙胞胎BB誕生啦！🎉🐼

今年，香港迎來咗屬於自己嘅大熊貓BB！呢對雙胞胎被親切地叫做「細佬」同「家姐」，佢哋嘅媽媽盈盈已經19歲，成為全球最年長嘅新手大熊貓媽媽！呢個奇蹟多得海洋公園動物護理團隊嘅悉心照顧同對大熊貓護理以及繁殖行為嘅深入了解。

其實，大熊貓係獨居嘅動物，通常每年3月至5月嘅繁殖季節先會短暫「約會」，交配之後，爸爸媽媽會分開，由媽媽獨自撫養BB。喺海洋公園，團隊每年都會喺繁殖季節留意盈盈同樂樂嘅行為，幫佢哋營造合適嘅環境，促進自然交配。

盈盈成功誕下雙胞胎之後，團隊亦全力支持佢做媽媽，利用育嬰箱幫手照顧兩隻BB，仲用帶有BB氣味嘅毛公仔，幫盈盈同仔女建立親密感。同時，佢哋亦希望俾盈盈充分嘅時間學習點樣做一個好媽媽，陪伴BB成長至2至3歲，享受呢段珍貴嘅親子時光。

呢次成功誕下雙胞胎，唔單止係一個開心嘅消息，仲反映咗海洋公園對優質動物護理嘅堅持同承諾！

準備好去探盈盈同佢一對超可愛大熊貓BB未？🐾✨